Եպիսկոպոս ա բերում, էս ա անում, էն ա անում, մեկ ա, չի ստացվելու իր մոտ եկեղեցին քանդել

Թոշակառու քաղաքացին, «Իշխանության» հետ զրույցում, անդրադառնալով վարչապետ Նիկոլ Փաշինյանի երեկվա ելույթներին, դժգոհեց․\n«Երեկ Ազգային ժողովում էր, թե որտեղ, Նիկոլ Փաշինյանը միտք էր արտահայտում՝ իրա մտքի գոհարերը, թե ուզում է թոշակները 10 400, 11 000 բարձրացնենք, թոշակառուին դրանից ի՞նչ, թե բա նրա մոտ ոչ մի բան չի փոխվում։ Դա նորմալ մարդու տրամաբանությո՞ւն է։ Թոշակառուն հազիվ իր գոյությունն է պահպանում՝ կոմունալ է մուծում, սնունդ է, հազար ու մի խնդիր կա։ Եվ նա սա ասում է այն դեպքում, երբ պետական իշխանավորներին անշեղորեն բարձրացնում է աշխատավարձը։ Ասում է՝ «պետք է, դա ձեր համար եմ անում։ Իմ համար ի՞նչ ես անում դու, որ դրանց բարեկեցությունը լավացնում ես։ Ես դրանից լավանո՞ւմ եմ»։

Խոսելով Կաթողիկոսին հեռացնելու Փաշինյանի ծրագրերից՝ քաղաքացին ասաց, որ իշխանություններին չի հաջողվի կազմաքանդել եկեղեցին։\n«Տեսավ՝ ժողովուրդը չի գնում, ներսից է կազմաքանդում։ Ներսից եպիսկոպոսներ է բերում, էսա անում է, էնա անում։ Մեկ է՝ հայ ժողովուրդը իրա եկեղեցուն հավատարիմ է, էդ բանը չի ստացվի իրա մոտ։ Մարդիկ թույլ չեն տա, ինչքան էլ ուզում է կազմաքանդի, Կճորյանին, բանին բերի իրա մոտ, էս անի–էն անի։ Հարյուր միջոցի է դիմում, որ Կաթողիկոսին հանի, մեկ է՝ չի ստացվի իրա մոտ։ Ինքը հենց որ եկավ իշխանության, ասաց՝ «նոր Հայաստան, նոր եկեղեցի, նոր Կաթողիկոս» և այլն։ Ինքը հենց այն ժամանակվանից եկեղեցու հանդեպ սրված է։ Ոչ մի պետության ղեկավար եկեղեցու հետ սենց հակամարտության մեջ չի մտել, ոնց որ ինքը»,-ասաց նա։