Գյումրիի խանութներից մեկում անչափահասին ալկոհոլային էներգետիկ ըմպելիք են վաճառել

«Իշխանություն» լրատվականի տեղեկություններով՝ Գյումրիում գտնվող «Բասեն» սուպերմարկետի գանձապահներից մեկը անչափահասին վաճառել է ալկոհոլային էներգետիկ ըմպելիք։ Անչափահասին հարցրել են, թե արդյոք չափահա՞ս է, և իմանալով, որ անչափահաս է, միևնույնն է, վաճառել են ալկոհոլային էներգետիկ ըմպելիքը։ Այս մասին գրառում է կատարել անչափահասի մայրը։

«Բասեն սուպերմարկետ, խնդրում եմ կարգավորել ձեր գանձապահների աշխատանքը։ Վաճառք ապահովելու համար անչափահասների վրա ալկոհոլային խմիչք չեն վաճառում, և դա այն դեպքում, երբ հարցնում են՝ չափահա՞ս ես, պատասխանում են՝ ոչ, ու ոչ մի խնդիր դրանում չեն տեսնում»,— գրված էր գրառման մեջ։

Արամ Դավթյան