Ալիեւն իր ուզածը ստացավ, սահմանազատման գործընթացը կանգ առավ

Հայաստանի եւ Ադրբեջանի միջեւ հարաբերությունները\nխաղաղ ճանապարհով կարգավորելու համար սկիզբ առած սահմանազատման գործընթացը փաստացի\nկանգ է առել։ Նիկոլ Փաշինյանը նախկինում\nբազմիցս ասում էր, որ սահմանազատումը կօգնի հստակեցնել սահմանները և լուծել\nխնդիրները խաղաղ ճանապարհով։ Սակայն այսօր այդ գործընթացի մասին գրեթե չի խոսվում։ 

Մինչդեռ իրականում խնդիրը ոչ թե լուծվել է, այլ\nավելի է խորացել։ Ադրբեջանի նախագահ Իլհամ Ալիևի\nղեկավարած երկիրը շարունակում է վերահսկել Հայաստանի տարածքների մի մասը՝\nՋերմուկի, Գեղարքունիքի և Սյունիքի ուղղություններով։ Ոչ միայն վրահսկում են,\nայլեւ ամրաշինական աշխատանքներ են տանում։

Համապետական\nընտրությունների նախաշեմին սահմանազատման գործընթացը շարունակելը առնվազն Նիկոլ\nՓաշինյանի շահերից չի բխում։ Թեման միտումնավոր չի բարձրաձայնվում, քանի որ այն անհարմար\nհարցեր կարող է առաջացնել, օրինակ՝ ինչո՞ւ այդ տարածքները դեռ վերադարձված չեն, և\nԱդրբեջանը հետ կվերադարձնի՞ մեր սուվերեն տարածքները։  Ներքաղաքական այս ակտիվ փուլերում նման թեմաները\nփորձում են շրջանցել։ Սահմանազատումը շատ զգայուն հարց է, որովհետև վերաբերում է\nտարածքներին և անվտանգությանը։ Արդյունքում ստացվում է պարզ պատկեր․
\nմարդկանց խոստացվեց, որ Ադրբեջանի հետ կոնֆլիկտը կլուծվի բանակցություններով, բայց\nայսօր այդ գործընթացը չկա, իսկ պաշտոնական Բաքուն էլ շարունակում է Հայաստանի\nսուվերեն տարածքները զավթելու հռետորաբանությունը։ Եթե սահմանազատումը պետք է\nլուծում լիներ, ապա ինչո՞ւ այն դադարեց։ Եթե այն շարունակվում է, ապա ինչո՞ւ դրա\nմասին չեն խոսում։ Այս հարցերը մնում են առանց պատասխանների։