Վեհափառին չհրավիրելը ճնշումների շարունակությունն է. Սևակ Խաչատրյան

Իրենք տարիներ շարունակ Հայ առաքելական եկեղեցու, Ամենայն հայոց կաթողիկոսի նկատմամբ ոտնձգություններ են իրականացնում, շատ անպարկեշտ պահվածքով, կարծում եմ՝ անդրանիկ նիտսին վեհափառին չհրավիրելը այդ ապօրինությունների, ճնշումների շարունակությունն է։ Այս մասին ասել է «Հայաստան» խմբակցության պատգամավոր Սևակ Խաչատրյանը։

«Սա, իհարկե, հակաօրինական է, քանի որ կարծեմ սահմանադրությամբ էլ ամրագրված է, որ Ամենայն հայոց կաթողիկոսը և երկրի նախագահը Ազգային ժողովի առաջին նիստին կարող են հանդես գալ ելույթով։ Կարծում եմ, անկախ նրանից՝ հրավիրել են, թե ոչ՝ վեհափառը կարող է գալ և ելույթ ունենալ, քանի որ դա սահմանադրությամբ ամրագրված է»։

Դիտարկմանը, թե արդյոք չեն ՔՊ-ականները խոչընդոտի՝ նա պատասխանեց, որ վեհափառի տեղաշարժի խոչընդոտում մենք արդեն տեսել ենք՝ Սարդարապատում: