Բանակում ինքնասպանությունների կանխարգելման ուղղությամբ իրականացվում են համապատասխան աշխատանքներ․ ԶՈՒ ԳՇ պետ

Բանակում ինքնասպանությունների կանխարգելման ուղղությամբ իրականացվում են համապատասխան աշխատանքներ, սակայն դրանց մանրամասները ներկայացնելու համար երկար ժամանակ կպահանջվի։ Այս մասին ասել է ԶՈՒ ԳՇ պետ Էդվարդ Ասրյանը՝ պատասխանելով ինքնասպանությունների կանխարգելման վերաբերյալ հարցին։

«Շատ երկար ժամանակ է դրա համար պահանջվում, ես հիմա չունեմ այդ ժամանակը»,- նշել է նա։

Ասրյանի խոսքով՝ զինծառայողների մահվան դեպքերը կարող են պայմանավորված լինել տարբեր հանգամանքներով, այդ թվում՝ միջանձնային հարաբերություններով, ֆինանսական և առողջական խնդիրներով։ Նա մահվան դեպքերի ընդհանուր համատեքստում հիշատակել է նաև ծառայությունից դուրս պատահարներն ու ճանապարհատրանսպորտային վթարները։