Տիրադավ հռչակվածների ուղեկցումն ապահովել են ԱԱԾ-ի «Ալֆա»\nջոկատն ու քրեականի օպերները

Մայր Աթոռի կողմից տիրադավ հռչակված սրբազանների\nանվտանգությունն ու ուղեկցումն իրականացվում էր ԱԱԾ հատուկ նշանակության\nստորաբաժանման («Ալֆա») աշխատակիցների և քրեական ոստիկանության օպերատիվ\nծառայության կողմից։ 

Խոսքս ենթադրությունների մասին չէ։ Նրանց մի մասի դեմքերն ինձ անձամբ\nհայտնի են, իսկ ներկայացվող պնդումները հիմնված են կոնկրետ փաստերի վրա։

Տեսանյութում հստակ երևում է, թե ինչպես է Նավասարդ Կճոյանը հրահանգ\nտալիս քաղաքացիական հագուստով մի տղամարդու, որն իր հերթին շղթա կազմած անձանց հրահանգում է՝ «շարժվել», «ճանապարհ բացել»։ Այդ տղամարդը ծառայում է Ազգային անվտանգության ծառայության «Ալֆա» հակաահաբեկչական հատուկ\nջոկատում և հանդիսանում է այն ԱԱԾ-ականներից մեկը, որոնք Միքայել\nՍրբազանի հետևից եկել էին Վեհարան։

Տեսանյութի երկրորդ հատվածում նույն անձը արդեն համազգեստով է,\nդեմքը՝ փակ։ Սակայն քայլվածքը, ժեստերը, մարմնի շարժումները և աչքերի կառուցվածքը\nորևէ կասկած չեն թողնում՝ խոսքը նույն մարդու մասին է։

Եվ այստեղ առաջանում է առանցքային հարցը․
\nի՞նչ իրավական ընթացակարգով են ուժային կառույցների ծառայողները\nլիազորվել՝ ապահովել\nհոգևորականների անվտանգությունը, այն\nդեպքում, երբ Նիկոլ Փաշինյանի որոշմամբ դեռեւս\n2018թ․-ին Ամենայն հայոց կաթողիկոսը զրկվել է պետական անվտանգության\nծառայությունից։

Եթե կա գրավոր որոշում՝ հրապարակեք։ Եթե կա բանավոր հրահանգ՝ ներկայացրեք դրա իրավական հիմքը։ Իսկ եթե չկա ո՛չ\nմեկը, ո՛չ մյուսը, ապա հանրությունը պարտավոր է իմանալ՝ ո՞վ, ինչո՞ւ և\nինչ իրավունքի ուժով է օգտագործում պետական ռեսուրսը ռեսուրսը՝ ընտրովի\nհոգևորականների համար։

ՏԵՍԱՆՅՈՒԹ

Լիա Սարգսյան