Սպիտակ տունը վերահաստատել է Թրամփի դիրքորոշումը միջուկային զենքի վերաբերյալ

Սպիտակ տունը հայտարարել է, որ ԱՄՆ նախագահ Դոնալդ Թրամփը ցանկանում է պահպանել միջուկային զենքի սահմանափակումները և ներգրավել Չինաստանին զենքի վերահսկողության վերաբերյալ բանակցություններում։ 

«Նախագահ Թրամփը բազմիցս խոսել է աշխարհի համար միջուկային զենքի սպառնալիքին հակազդելու անհրաժեշտության մասին և նշել է, որ կցանկանար պահպանել միջուկային զենքի սահմանափակումները և ներգրավել Չինաստանին զենքի վերահսկողության վերաբերյալ բանակցություններում», - նշել է պաշտոնյան։

 Անկանխատեսելիությամբ հայտնի Թրամփը կարող է վերջին պահին համաձայնվել շարունակել հետևել Ռուսաստանի և ԱՄՆ-ի միջև կնքված ռազմավարական զենքի կրճատման պայմանագրին: