Մի կողմում Արցախն ազատագրածներն են, մյուս կողմում՝ թուրքի առաջ ծնկածները, ընտրությունը ձերն է. Իշխան Սաղաթելյան

«Հայաստան» դաշինքն իր նախընտրական քարոզարշավը սկսում է Էջմիածնից և դա իր մեջ մեծ խորհուրդ ունի: «Իշխանություն» լրատվականի փոխանցմամբ, այս մասին այսօր «Հայաստան» դաշինքի հանրահավաքի ժամանակ հայտարարեց խմբակցության պատգամավոր Իշխան Սաղաթելյանը: 

«Մեր ինքնությունը վտանգի տակ է, և այդ ինքնության կրողն ու պաշտպանողը Հայ առաքելական եկեղեցին է, որը վտանգված է և թիրախավորված: Հայաստանի ինքնիշխանությունը ևս վտանգված է, իսկ տարածքային ամբողջականությունը՝ խաթարված: «Հայաստան» դաշինքը մեր երկիրն այս վիճակից դուրս բերելու իր ծրագիրն ունի»,- ասաց Սաղաթելյանը: 

Պատգամավորը նշեց, որ այս ընտրություններում՝ մի կողմում կանգնած են հայրենիքի դավաճանները, մյուս կողմում՝ ազգային գործիչները։ Մի կողմում կանգնած է Հայ առաքելական սուրբ եկեղեցին, մյուս կողմում՝ տիրադավներն ու թուրքի առաջ ծնկի եկածները: