«Քաղաքական խոսույթը չպետք է վերածվի իրար վիրավորելու մարաթոնի»․ Նարեկ Կարապետյան

«Ուժեղ Հայաստան» խմբակցության ղեկավար Նարեկ Կարապետյանը լրագրողների հետ զրույցում անդրադարձել է քաղաքական խոսույթում հնչող վիրավորական արտահայտություններին։

Կարապետյանը կոչ է արել չկենտրոնանալ փոխադարձ վիրավորանքների և սադրիչ արտահայտությունների վրա՝ ընդգծելով, որ քաղաքական գործիչները պետք է հիշեն՝ ինչի համար են եկել Ազգային ժողով։

Նա նաև դիմել է լրագրողներին՝ նշելով, որ լավ վերնագրերի հետևից գնալով՝ քաղաքական խոսույթը չպետք է վերածվի միմյանց վիրավորելու «մարաթոնի»։

«Մենք պետք է կենտրոնանանք մարդկանց կյանքը լավացնելու վրա»,– նշել է Նարեկ Կարապետյանը։