Ընդդիմությունն ու իշխանությունը Աժ-ն ճանաչում են ոչ լեգիտիմ, բա ի՞նչ են անում այնտեղ. Ստեփանյան

«Իշխանություն» լրատվականի հետ զրույցում Գևորգ Ստեփանյանն անդրադարձել է Անդրանիկ Թևանյանի և Արեգնազ Մանուկյանի նկատմամբ իրականացվող գործընթացներին՝ դրանք որակելով որպես ապօրինի և շինծու։

Նա նշել է, որ Հայաստանում կան բազմաթիվ քաղբանտարկյալներ, և պնդել է, որ քաղաքական հետապնդումները պայմանավորված են ընդդիմադիր գործունեությամբ։

Ստեփանյանն անդրադարձել է նաև Գագիկ Ծառուկյանի նկատմամբ իրականացվող գործընթացին և «Բարգավաճ Հայաստան» կուսակցության ստացած ձայներին՝ պնդելով, որ 60 հազար քաղաքացու քվեն և 5 մանդատ «գողացվել են»։

Նրա խոսքով՝ 9-րդ գումարման Ազգային ժողովը ոչ լեգիտիմ է, իսկ վերջին ընտրությունների նկատմամբ հանրային վստահությունը խաթարվել է։

Անդրադառնալով առաջիկա ՏԻՄ ընտրություններին՝ Ստեփանյանը նշել է, որ իրենց քաղաքական ուժը դեռ որոշում չունի մասնակցության վերաբերյալ։