Գևորգ Պապոյանը հանդիպել է Մոնտենեգրոյի զբոսաշրջության նախարարին. ինչ են քննարկել

«Իշխանություն»լրատվականի փոխանցմամբ՝ ՀՀ էկոնոմիկայի նախարար Գևորգ Պապոյանը Երևանում հանդիպել է Մոնտենեգրոյի զբոսաշրջության նախարար Սիմոնիդա Կորդիչի հետ։

Հանդիպմանը քննարկվել են Հայաստանի և Մոնտենեգրոյի միջև զբոսաշրջության ոլորտում համագործակցության ընդլայնման, երկկողմ զբոսաշրջային հոսքերի ավելացման և նոր ուղղությունների ձևավորման հնարավորությունները։

Կողմերը անդրադարձել են նաև միջազգային ուղևորափոխադրումների ակտիվացմանը, Հայաստանի հասանելիության բարելավմանը և զբոսաշրջային ենթակառուցվածքների զարգացմանը։