Ռուսաստանը մտահոգված է Սելեզնյովին Հայաստանի մուտքը արգելելու հարցով.Զախարովա

Ռուսաստանի ԱԳՆ պաշտոնական ներկայացուցիչ Մարիա Զախարովան հաստատեց, որ Մոսկվան ուշադրություն է դարձրել Դմիտրի Սելեզնյովին Հայաստան մուտք գործելու արգելքին։

Ճեպազրույցում նա արձագանքեց լրագրողի հարցին՝ նշելով, որ Հայաստանի իշխանությունները առանց բացատրության մերժել են ռազմական լրագրող Սելեզնյովին, որը նախկինում լուսաբանում էր Ղարաբաղյան հակամարտությունը։

Զախարովան նշեց, որ սա հակասում է այն սկզբունքներին, որոնցով Հայաստանի ներկա իշխանությունները եկել էին իշխանության՝ խոսքի ազատության և թափանցիկության խոստումով։

Նրա խոսքով՝ մտահոգիչ է, որ չկա տեղեկություն արգելքի ժամկետների, հնարավոր մեղադրանքների կամ դրա վերացման ընթացակարգի մասին։