Հայաստան–Լեհաստան տնտեսական համագործակցությունը քննարկվել է Վարշավայում

Վարշավայում Հայաստան–Լեհաստան միջկառավարական հանձնաժողովի նիստի շրջանակում կայացել է ՀՀ էկոնոմիկայի նախարարի տեղակալ Անուշիկ Ավետյանի և Լեհաստանի Տնտեսական զարգացման ու տեխնոլոգիաների նախարարի տեղակալ Միխալ Բարանովսկու հանդիպումը։

Կողմերը քննարկել են Հայաստանի և Լեհաստանի միջև տնտեսական համագործակցության ընդլայնման հնարավորությունները՝ ընդգծելով տեխնիկական և ինստիտուցիոնալ փոխգործակցության կարևորությունը։

Քննարկվել են առևտրաշրջանառության, կապիտալ շուկաների զարգացման, ԵՄ ստանդարտներին համապատասխանության, ինչպես նաև գյուղատնտեսության, սննդամթերքի անվտանգության, ժամանակակից ոռոգման, անասնաբուծության և խելացի գյուղատնտեսական տեխնոլոգիաների ոլորտներում համատեղ ծրագրերի ընդլայնման հնարավորությունները։

Բաց քննարկվել է նաև «Խաղաղության խաչմերուկ» նախաձեռնությունում Լեհաստանի և ԵՄ գործընկերների ներգրավման հարցը։