«Գեղամ Մանուկյանը՝ ՊՆ արձագանքի մասին․ ԶՈւ խնդիրները շոուով չեն լուծվում»

Գեղամ Մանուկյանը՝ ԱԺ «Հայաստան» խմբակցությունից, իր ֆեյսբուքյան էջում գրել է, որ Պաշտպանության նախարարությունը կոշտ արձագանքել է իր ելույթին, որտեղ նա անդրադարձել էր զորամասերի բուժմասերում առկա դեղորայքային, տրանսպորտային և կազմակերպչական խնդիրներին։

Նրա խոսքով՝ նախարարության հրապարակած լուսանկարները՝ բժշկական սարքավորումների ու շտապօգնության մեքենայի, խնդրի իրական լուծում չեն և ծառայում են միայն քարոզչությանը։

Մանուկյանը նշել է, որ իր տրամադրության տակ կան բազմաթիվ բողոքներ ու գրություններ զինծառայողներից, որոնք փաստում են բժշկական ստորաբաժանումների լուրջ բացերը։

Պատգամավորը վստահեցրել է, որ ԶՈւ և անվտանգային ոլորտի խնդիրները շոուային մոտեցումներով չեն լուծվում, այլ պահանջում են գործնական ու պատասխանատու քննարկումներ։ Նա հավելել է, որ իր՝ նախարարությանը ուղղված գրությանը արդեն մեկ շաբաթից ավելի է պատասխան չի տրվում։