Բազմաթիվ հոգևորականներ ուղղակի ապրում են չքավորության եզրին. Ինչու հոգևոր ծառայողները սոցիալական երաշխիքների մի մինիմալ համակարգ չունենան. Փաշինյան

«Վերջին այդպիսի փաստաթուղթը «Ցարական պոլոժենի» կոչվող փաստաթուղթն է, որի ավանդույթները մեծ հաշվով մինչև այսօր էլ շարունակվում են, և նույնիսկ արդարադատության նախարարությունում գրանցած այն փաստաթղթում, որը ներկայացված է որպես կանոնադրություն՝ դա մեջ ընդգծված է կանոնադրություն ընդունելու անհրաժեշտությունը։ Կանոնադրություն, որը ի վերջո կկանոնակարգի Հայաստանյան Առաքելական սուրբ եկեղեցու գործունեությունը և հարաբերությունները։ 

Ուզում եմ անդրադառնալ բարեվարքության, մենք այսքան մեխանիզմներ ենք ստեղծում, որպեսզի պետական պաշտոնյաների բարեվարքության երաշխավորման և հաշվետվողականության մեխանիզմներ ձևավորվեն, իսկ ինչու դա պետք է չլինի Հայաստանյաց առաքելական սուրբ եկեղեցում։ 

Ես էլի եմ արձանագրում, բազմաթիվ հոգևորականներ ուղղակի ապրում են չքավորության եզրին, մինչդեռ մի այլ խումբ հոգևորականներ շատ մեծ հարստություններ ունեն, և սա պրոբլեմ է, որը պետք է լուծվի։ 

Մեր եկեղեցիներում համատարած երգչախմբեր չկան, որը պարտադիր կարևոր պայման է պատշաճ պատարագներ մատուցելու և ծառայություններ իրականացնելու համար»,-ասաց նա՝ ընդգծելով, որ Հայ Առաքելական Եկեղեցին պետք է գործի թափանցիկության դաշտում, այդ թվում՝ Հայաստանի Հանրապետության օրենսդրությանը լիարժեքորեն համապատասխան։ 

«Եկեղեցու գործունեության արդյունքում գեներացված հարկային եկամուտները 100%-ով կվերադարձվեն եկեղեցուն, և դեռ մի բան էլ ավելի։ Ինչու պիտի օրինակ Հայաստանի առաքելական Սուրբ եկեղեցու հոգևոր ծառայողները սոցիալական երաշխիքների մի մինիմալ համակարգ չունենան, ինչո՞ւ»։