Կատարյալ դատական համակարգ չկա. դատավորը՝ Փաշինյանի հայտարարության մասին

«Դատական համակարգը, ինչպես ցանկացած այլ համակարգ, իդեալական չէ, և դժվար է գտնել մի երկիր, որտեղ այն կատարյալ է»,– հայտարարեց ՀՀ վերաքննիչ քրեական դատարանի դատավոր Սևակ Համբարձումյանը՝ արձագանքելով վարչապետ Նիկոլ Փաշինյանի վերջին քննադատությանը դատական համակարգի հասցեին։

Համբարձումյանն այսպես մեկնաբանեց Փաշինյանի այն հայտարարությունը, ըստ որի՝ Հայաստանում գործում է «կոռումպացված դատական համակարգ, որը սպասարկում է մաֆիաներին», իսկ երկրում առկա անարդարության և սովի մեղավորները դատավորներն են։