Տպավորություն է, թե ադրբեջանցիները շատ են ուզում, որ ՀՀ Սահմանադրությունը պարունակի տարածքային պահանջներ. չկան, չունենք տարածքային պահանջներ, պատրաստ ենք դա ապացուցել. Նիկոլ Փաշինյան

Նիկոլ Փաշինյանը տպավորություն ունի, որ ադրբեջանցի իր գործընկերները շատ են ուզում՝ ՀՀ Սահմանադրությունը պարունակի տարածքային պահանջներ Ադրբեջանի նկատմամբ։

«Չկան, չունենք տարածքային պահանջներ ու պատրաստ ենք դա ապացուցել»,- Գերմանիայում այս մասին հայտարարել է նա։

Փաշինյանն ասել է՝ եթե Ադրբեջանը կարծում է, որ կան տարածքային պահանջներ ՀՀ Սահմանադրության մեջ, ամենաարագ լուծումն է այդ խնդրի՝ ստորագրել խաղաղության համաձայնագիրն ու ուղարկել Սահմանադրական դատարան։

«Երբ մեր ՍԴ-ն ասի, որ այն ամբողջովին համապատասխանում է մեր Սահմանադրությանը, այն կգնա Ազգային ժողով ու կվավերացվի, կստանա բարձրագույն իրավական ուժ։ Այդ պարագայում չեն լինի ու չեն կարող լինել որևէ տարածքային պահանջներ, բայց եթե ՍԴ-ն որոշի, որ համաձայնագիրը չի համապատասխանում մեր Սահմանադրությանը, ես ասել եմ՝ իմ պարտավորությունն է նախաձեռնել սահմանադրական փոփոխություններ»,- հայտարարել է նա։