Փաշինյանի հետ բանավեճի մեջ չեմ մտնի, բայց ես որևէ կոռուպցիոն սխեմայի մեջ չկամ. Հայկ Սարգսյան

 «Ես մամուլից տեղեկացել եմ, որ վարչության նիստի ժամանակ, վարչության որոշ անդամներ իմ բացակայությամբ ինձ մեղադրել են որևէ կոռուպցիոն կամ ոչ կոռուպցիոն գործարքների մեջ։ Եթե նման բան եղել է, ապա դա ՔՊ կանոնադրության կոպտագույն խախտում է, որովհետև ՔՊ կանոնադրության 21-րդ հոդվածի 7-րդ կետը հստակ ասում է, որ կուսակցականը իրավունք ունի ներկա գտնվել իր հարցի քննարկմանը և պետք է ապահովվի քննարկվող հարցի վերաբերյալ իր կարծիք արտահայտելու հնարավորությունը։ Իմ այս իրավունքը չի պահպանվել, եթե իհարկե, իմ բացակայությամբ որևէ մեկը ինձ մեղադրել է կամ փորձել է վարչապետի մոտ տպավորություն ստեղծել, թե ես կոռուպցիոներ եմ կամ կոռուպցիոն սխեմաների մեջ ներգրավված եմ»։ 

Դիտարկմանը, թե Աղազարյանի նկատմամբ հարուցված գործերից մեկում, այսպես կոչված՝ «ոչխարների գործով» իր անունը հիշատակվում է՝ նա պատասխանեց, որ նման բան չկա։