Սա Ալիևի պահանջն է, հիմա էլ ուզում են, որ Ադրբեջանի ցեմենտը Հայաստան մտնի. Գագիկ Ծառուկյան

Ես երբեք իմ բարձունքից չեմ իջնի և իմ «կլասը» չեմ գցի, այսպես արձագանքեց ԲՀԿ առաջնորդ Գագիկ Ծառուկյանը՝ ի պատասխան հարցին, թե ինչպես է վերաբերվում Նիկոլ Փաշինյանի հայտարարություններին ու գործողություններին։

«Սա նշան է իր խառնաշփոթության, վախի, որ կորցնում է ամեն ինչ։ Վախի մթնոլորտ է ստեղծում, որը ժամանակավոր բնույթ է կրելու։ Արդեն 8 տարի նույն բանն ասելով, սուտ ասելով, մարդկանց ֆռացնելով... Վախի նշան է, ցնցումների մեջ է ընկնում։ Եթե մարդը վստահ լիներ, շատ ջերմ, ժպիտով կխոսեր։ Սա նշան է վախի, որ վերջը եկել է»,-ասաց Գագիկ Ծառուկյանը։

Հարցին, թե անակնկա՞լ էր «Արարատցեմենտ» գործարանի պետականացման մասին Փաշինյանի հայտարարությունը՝ Ծառուկյանն արձագանքեց.

«Ինձ համար անակնկալ չէր, ինձ տեղյակ պահել էին։ Սա պահանջն է Ալիևի, վագոններով բենզինը գալիս է Հայաստան, հիմա էլ ուզում են՝ Ադրբեջանի ցեմենտը Հայաստան մտնի»։