Մենք կրոնապետությո՞ւն ենք, ինչո՞ւ պիտի Վենսը հանդիպեր կաթողիկոսի հետ. Ալեն Սիմոնյան

Մենք կրոնապետությո՞ւն ենք, ինչու պիտի Վենսը հանդիպեր կաթողիկոսի հետ։ Մի հատ անջատեք ձեր մեջ կրոնապետության գաղափարը։ Այս մասին ԱԺ-ում ասաց ԱԺ նախագահ Ալեն Սիմոնյանն՝ անդրադառնալով դիտարկումներին, թե Փաշինյանը Վենսի հետ համաձայնություն է ձեռք բերել, Վենսը չպետք է հանդիպի Ամենայն հայոց կաթողիկոսի հետ։ 

«Ես չեմ կարծում, որ նման խոսակցություն է ընդհանրապես տեղ գտել, վստահ եմ, որ այդպիսի խոսակցություն չի եղել»։ 

Դիտարկմանը, թե նախկինում կաթողիկոսի հետ հանդիպումը արարողակարգի մաս է եղել՝ նա ընդգծեց, որ նման բան չի եղել ու ճիշտ կլինի՝ նախկինի մասին առհասարակ չխոսել։