Արձանագրվել է պաշտոնական դիրքի և վարչական ռեսուրսի չարաշահման 16 դեպք.«Արդար քվե»-ի տվյալները

«Իշխանություն» լրատվականի փոխանցմամբ՝ Երիտասարդական ակումբների դաշնությունը հրավիրված մամուլի ասուլիսում ներկայացրեց առաջիկա խորհրդարանական ընտրությունների համար իրականացվող «Արդար քվե» դիտորդական առաքելության գրանցած արդյունքները:

«Արդար քվե» առաքելության ղեկավար Սոնյա Համբարձումյանը հայտնեց, որ մայիսի 8-ից 14-ն ընկած ժամանակահատվածում ԵԱԴ թեժ գծերի և մոնիտորինգի միջոցով արձանագրվել է 71 առերևույթ ընտրախախտման դեպք, որոնք անցել են իրավաբանական փորձաքննություն:

Առավել հաճախ հանդիպող խախտումների առաջատար եռյակն ունի հետևյալ տեսքը.

16 դեպք — Պաշտոնական դիրքի, վարչական ու պետական ռեսուրսների չարաշահում,

12 դեպք — Ատելության խոսք, նվաստացում և քաղաքական անհանդուրժողականություն,

7 դեպք — Անչափահասների և երեխաների ներգրավում նախընտրական քարոզարշավին: