Եթե մեկը պետք է զոհվեր կամ ինքնասպան լիներ պատերազմից հետո, դա Նիկոլ Փաշինյանն է. Ագնեսա Խամոյան

«Իշխանություն» լրատվականի փոխանցմամբ՝ «Հայաստան» դաշինքի Թալինում կայացած նախընտրական հանդիպման ժամանակ ելույթ ունեցավ դաշինքի անդամ Ագնեսա Խամոյանը։ 

«Վերջին ութ տարվա ընթացքում մեզ բախտ է վիճակվել ունենալ մի երկրի ղեկավար, ով մահվան ուրվական է դարձել Հայաստանի համար։ Հիմա էլ այդ գերանդին վերցրած՝ մահվան պես շրջում է Երևանի փողոցներում, Հայաստանի Հանրապետության մարզերում ու հարցնում է մարդկանց՝ «դու չես մեռե՞լ, դու ինչո՞ւ ես կենդանի մնացել»։ Սա ասում է մի մարդ, ով պատերազմի ժամանակ անկազմակերպ ձևով մարդկանց ուղարկում էր ռազմադաշտ՝ ասելով՝ ձեր կասկաներն ու զրահաբաչկոնները վերցրեք ու գնացեք կռվեք»,- հայտարարեց Խամոյանը։

Նրա պնդմամբ՝ գործող ղեկավարը դեռ պատերազմի ընթացքում համոզմունք ուներ, որ դա ադրբեջանական հող է, և պատերազմն էլ ժամանակին չի կանգնեցրել միայն մեկ պատճառով՝ որպեսզի իրեն դավաճան չանվանեն։

«Եթե մի մարդ կա, որ պետք է զոհվեր պատերազմից հետո, իսկ ավելի կոնկրետ՝ ինքնասպան լիներ այդպիսի խայտառակ պարտությունից հետո, դա դո՛ւ ես, Նիկոլ Փաշինյան»,- ավելացրեց նա։

Ագնեսա Խամոյանն իր ելույթում անդրադարձավ նաև Նիկոլ Փաշինյանի թիկունքում քարոզարշավին մասնակցող Առողջապահության նախարարին, ով, ըստ նրա՝ դեռահասի ոգևորությամբ ծափահարում ու ողջունում է Փաշինյանի ցնցումային հայտարարությունները։