Արիանա Գրանդեն վերադառնում է «Petal» ալբոմով․ ի՞նչ է հայտնի երգչուհու նոր նախագծի մասին

Հուլիսի 31-ին լույս է տեսնում համաշխարհային փոփ-աստղ Արիանա Գրանդեի երկար սպասված «Petal» ալբոմը։ Սա երգչուհու առաջին խոշոր երաժշտական նախագիծն է «Wicked» («Չարագործը») ֆիլմում նկարահանվելուց հետո և թողարկվում է նրա նախորդ՝ «Eternal Sunshine» ալբոմից երկու տարի անց:

Կինոնախագծից հետո Գրանդեն կրկին վերադառնում է երաժշտական ասպարեզ։ Դատելով ավելի վերջերս թողարկված «Hate That I Made You Love Me» հիթից՝ նոր ալբոմում շեշտը դրված է ռեթրո-սինթեզատորային ռիթմերի և մեղմ փոփ-մելոդիաների համադրության վրա։

Ալբոմի երաժշտական պրոդյուսերն է շվեդացի հայտնի երաժիշտ Մաքս Մարտինը, ում հետ երգչուհին համագործակցում է արդեն երկար տարիներ։

Երաժշտական փորձագետների գնահատմամբ՝ «Petal»-ը հավակնում է դառնալ ընթացիկ տարվա ամենանշանակալի փոփ-թողարկումներից մեկը։