Անշնչացած Վրեժ Հակոբյանի մարմինը հայտնաբերվել է փտած և սևացած վիճակում

Սեպտեմբերի 16-ից որոնվող 59-ամյա Վրեժ Հակոբյանի մարմինը հարազատները հայտնաբերել են Հաղթանակի կամրջի ծառերի տակ՝ մայթեզրին։ Քաղաքացու մարմինն արդեն փտել և սևացել է․ շուրջ 3 օր նա որոնվում էր։

«Իշխանություն» լրատվականին մահացածի հարազատները պատմեցին, որ Վրեժ Հակոբյանի եղբայրը շան հետ զբոսնելիս պատահաբար հայտնաբերել է եղբոր մարմինը։

Դեպքի վայրում աշխատող փրկարարներն ու շտապօգնության աշխատակիցներն արդեն շուրջ 2 ժամ է սպասում են, որպեսզի Քննչական կոմիտեից դատաբժշկի եզրակացությունը տան, որից հետո հնարավոր կլինի մարմինը տեղափոխել։