Ո՞վ է ոչնչացրել իրեղեն ապացույցը, ինչու՞ սատկեց Ծառուկյանի առյուծը

Գագիկ Ծառուկյանի առյուծը նախաքննական մարմնի համար իրեղեն ապացույց էր, առգրավվել էր քրեական վարույթի շրջանակում և ի պահ տրվել կենդանաբանական այգուն։ Ու պետության խնամքի տակ հայտնված իրեղեն ապացույցը մեկ օր անց սատկում է։

Սա է պետական աշխատանքի մակարդակը, ուրեմն վաղը նույն տրամաբանությամբ ցանկացած իրեղեն ապացույց կարող է «պատահաբար» կորչել, ոչնչանալ կամ շարքից դուրս գալ:

Իրեղեն ապացույցները վնասելը, ոչնչացնելը կամ դրանց հետ օրենքով սահմանված կարգի խախտմամբ վարվելը քրեական պատասխանատվություն է առաջացնում: 

Կենդանաբանական այգու տնօրեն Արման տեր-Թովմասյան, Դուք պետք է պատասխան տաք:

Ըստ այս մարդու ղեկավարած կառույցի՝ Գագիկ Ծառուկյանի առյուծը ծեր էր, հիվանդ էր, դրա համար է սատկել: Ուրեմն մինչև քնեցնելը ինչու՞ չէիք պարզել, որ հիվանդ է, եթե չէիք հետազոտել, ինչու՞ էիք կենդանու հետ այդպես վարվել: Այս հանգամանքը ավելի է բարդացնում կենդանուն քնեցնողի և նման հրաման տվողի վիճակը:

Հ.Գ. Գագիկ Ծառուկյանի առյուծների հետ դաժան վարվելու պատճառը, ըստ իս, բացառապես քաղաքական է, Ծառուկյանին ցավ պատճառելու համար:

Լիա Սարգսյան