«Էս տղե՞րքն էին խանգարում ձեր խաղաղությանը». հերոս Մխիթար Գալեյանի մայրիկի հարցը, որը պատասխան չունի

44-օրյա պատերազմից վեց տարի անց հերոս Մխիթար Գալեյանի մայրիկը՝ Աստղիկ Գալեյանը, մեկ հարց է տալիս, որը պատասխան չունի՝ «էս տղե՞րքն էին խանգարում ձեր խաղաղությանը»։

«Մինչև օրս ինչո՞ւ պատասխանատվության ենթարկված որևէ պաշտոնյա չկա, ոչ մեկ պատասխան չի տվել տղաների չլինելու համար»,- Եռաբլուրում լրագրողների հետ զրույցում ասաց տիկին Գալեյանը։

Նա նշեց, որ պարտություն կրած իշխանությունը, սովորաբար, հրաժարական է տալիս ու տեղը զիջում է ավելի ուժեղ իշխանության, որոնք կկարողանան շատ հարցեր լուծել։

«Աթոռը սոսնձված է իրենց հենց նրա համար, որ չբացահայտվի այն դավաճանությունները, որոնք տեղի են ունեցել պատերազմի ընթացքում, դրանից առաջ ու մինչ օրս, ամբողջ հարցերն այդ աթոռի տակ են գտնվում»,- ասաց Աստղիկ Գալեյանը։

Հերոս Մխիթար Գալեյանի մայրն ընդգծեց՝ այս իշխանության ձեռքին ճար լինի՝ Եռաբլուրն էլ հողին կհավասարեցնեն։