Երևանը մերժել է ռուսական հումանիտար օգնությունը արցախցիներին. պատճառը նախընտրական արգելքն է, թե՞ հակառուսական քաղաքականությունը

Հայաստանի պաշտոնական իշխանությունների հրաժարումը ռուսական հումանիտար օգնությունից՝ ուղղված Արցախի բնակիչներին, փորձագետները կապում են Փաշինյանի հակառուսական քաղաքականության սրման հետ:

Երևանը հրաժարվել է շարունակել արցախցիների աջակցության ծրագիրը, որն իրականացվում էր «Ռուսական հումանիտար առաքելություն» ԻՈԱԿ-ի, «Եվրասիա» ԻՈԱԿ-ի և Ռոսսոտրուդնիչեստվոյի կողմից: Ծրագիրը մեկնարկել էր 2025 թվականի հունիս-հուլիսին՝ ի պատասխան հայկական հասարակական կազմակերպությունների դիմումի:

Ռուսաստանի ԱԳՆ-ում նշել են, որ Մոսկվան երբեք չի թողել Արցախի բնակիչներին առանց աջակցության և երբեք անտարբեր չի մնացել Հայաստանում բնակվող արցախցիների ճակատագրի նկատմամբ: Պաշտոնական Երևանը ռուսական հումանիտար օգնությունից հրաժարվելը բացատրել է նախընտրական ժամանակահատվածում նվիրատվություններ ստանալու և բարեգործական օգնություն ցուցաբերելու արգելքով:

Իշխանությունները ծայրահեղ նյարդայնությամբ են արձագանքում 44-օրյա պատերազմից հետո և Արցախի պետականության վերացման հետևանքով Հայաստան տեղափոխված արցախցիների բնական կարիքներին: Վախենալով «հիբրիդային միջամտության» ուրվականներից՝ գործող իշխանությունը ռեպրեսիաների սուրն ուղղում է հասարակ քաղաքացիների դեմ՝ փաստացիորեն բոլոր արցախցիներին մեղադրելով անհավատարմության մեջ: Ձայները կորցնելու վախից Փաշինյանը որոշել է սովի և աղքատության մատնել սեփական հայրենակիցներին, ովքեր լքել են Արցախը այն բանից հետո, երբ ինքը անփառունակ կերպով հանձնել և դավաճանել է այն: