Հաջիևը զգուշացնում է․ Հայաստանում ռևանշիստական ուժերը և սփյուռքը փորձում են խաթարել խաղաղության գործընթացը

Բաքուն զգուշացնում է, որ Հայաստանում ռևանշիստական ուժերը և հայկական սփյուռքը դեռևս ուժեղ են և փորձում են խաթարել Ադրբեջանի հետ պատմական խաղաղության գործընթացը։ Դուբայում Արաբական մեդիաֆորումի ընթացքում հայտարարել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի վարիչ Հիքմեթ Հաջիևը, հաղորդում է Euronews-ը։

Նրա խոսքով՝ խաղաղությունը ձեռք է բերվում մեծ դժվարությամբ, և Հայաստանի ղեկավարությունը նույնպես պետք է աշխատի իր ժողովրդին խաղաղության պատրաստելու ուղղությամբ։